रणजीत माजगावकर

Kolhapur News:

कोल्हापूर जिल्ह्यातील आळते गावात डेंग्यूचा कहर झाल्याचं पाहायला मिळालं आहे. गेल्या दोन महिन्यांपासून आळते गावात डेंग्यू रोगाने थैयथयाट केलाय. गावात एक हजाराहून अधिक व्यक्तींना डेंग्यूची लागण झाली आहे. (Latest Marathi News)

एका बाजूला देशात गांधी जयंती निमित्त स्वच्छता मोहीम रावबली जात आहे. तर दुसरीकडे कोल्हापूर जिल्ह्यातल्या आळते गावात अस्वच्छतेमुळे डेंग्यूची रुग्ण संख्या झपाट्याने वाढत आहे. ग्रामस्थ सरकारी तसेच खासगी रुग्णालयांत उपचार घेतायत. वाढत्या रुग्णसंख्येमुळे जिल्हा प्रशासनही हतबल झालं आहे.

डेंग्यूच्या वाढत्या प्रभावामुळे ग्रामस्थांमध्ये भीतीच वातावरण निर्माण झाले आहे. प्रशासनाचे अक्षम्य दुर्लक्ष होतानाचं चित्र पाहायला मिळतंय. गावात डेंग्यूमुळे १५ दिवसांपूर्वीच एका महिलेचा मृत्यू झाला आहे. लहान मुलं आणि महिलांमध्ये डेंग्यूची लागण पटकण होत आहे. घरांमध्ये कोणीही पाणी साठवून ठेवू नका असं आवाहान नागरिकांना केलं जातंय.

रुग्ण संख्या वेळीच नियंत्रणात न आल्यास मृत्यूच्या संख्येत वाढ होण्याची शक्यता वर्तवण्यात आली आहे.

डेंग्यूची लक्षणे

ताप

डोकेदुखी

शरीर वेदना

मळमळ

पुरळ

अशी लक्षणे जाणवत असल्यास याकडे दुर्लक्ष करू नका. यावर तातडीने उपचार घ्या. डॉक्टरांच्या सल्ल्यानुसार योग्य ती औषधे आणि जेवणाचे पथ्य पाळा.