- रणजीत माजगावकर

Kolhapur News :

कोल्हापूर जिल्ह्यातील हातकणंगले (hatkanangale) तालुक्यातील हेरले येथील धीरज दीपक लोखंडे या मागासवर्गीय तरुणाला दिवसाढवळ्या घरातून उचलून गावगुंडांनी जबर मारहाण करत गंभीर जखमी केल्याचा आराेप डेमोक्रॅटिक पार्टी ऑफ इंडियाने केला आहे. या मारहाणीमुळे लोखंडे हा सध्या मृत्यूशी झुंज देत आहे. हातकणंगले पोलिसांनी संबंधित गुंडांवर जुजबी कारवाई करत संशयितांना पाठीशी घातल्याचा आरोप डेमोक्रॅटिक पार्टी ऑफ इंडियाने (democratic party of india morcha in kolhapur) केला आहे. (Maharashtra News)

दरम्यान हातकणंगले पोलीस ठाण्याच्या अधिकाऱ्यांच्या विरोधात आज डेमोक्रॅटिक पार्टी ऑफ इंडियाच्या वतीने कोल्हापूर शहरातील प्रमुख रस्त्यावरून जोरदार घोषणाबाजी करत जिल्हाधिकारी कार्यालयावर निषेध मोर्चा काढला. या माेर्चात महिलांची लक्षणीय उपस्थिती होती.

धीरज लोखंडेला मारहाण करणाऱ्या गाव गुंडांवर कलम 307 आणि ऍट्रॉसिटी ॲक्ट कायद्याअंतर्गत कारवाई करावी. हातकणंगले पोलीस ठाण्याचे प्रमुख महादेव तोंडले यांच्यावर खातेनिहाय चौकशी करून त्यांच्यावर कारवाई करा अशी मागणी डेमोक्रॅटिक पार्टी ऑफ इंडियाचे हातकणंगले तालुका अध्यक्ष विकास अवघडे यांनी जिल्हाधिकाऱ्यांकडे केली आहे. या माेर्चा दरम्यान शाहूपुरी पोलिसांनी कडेकोट बंदोबस्त ठेवला होता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar