अक्षय बडवे/साम टीव्ही न्यूज

उन्हाच्या तीव्रतेमुळे सरबताच्या तयारीसाठी लागणाऱ्या लिंबाच्या मागणीत प्रचंड वाढ झाली आहे. मागणीच्या वाढीसोबतच लिंबाच्या दरातही लक्षणीय वाढ झाली आहे. एक महिना पूर्वी जे लिंबू ५० रुपये किलो मिळत होते, ते आता १६० रुपये किलोच्या दराने विकले जात आहेत.

काही दिवसांपासून शहर आणि परिसरात तापमानाच्या पाऱ्याने उच्चांक गाठला आहे. त्यामुळे घरगुती ग्राहकांपासून रसवंतीगृह चालक, सरबत विक्रेते, हॉटेल व खानावळी चालकांच्या कडे लिंबूची मागणी प्रचंड वाढली आहे. तथापि, मागणीच्या तुलनेत लिंबाची आवक कमी होत आहे. महिनाभरापूर्वी घाऊक बाजारात रोज १५ ते १६ क्विंटल लिंबाची आवक होत होती.

सध्या बाजारात दररोज फक्त ८ ते १० क्विंटल लिंबांची आवक होत आहे. यामुळे बाजारात लिंबांच्या किमतीत मोठी वाढ दिसून येत आहे. लिंबाच्या आकारावर आधारित एक गोणीमध्ये साधारणतः ३०० ते ४०० लिंबू असतात. या वाढत्या मागणीमुळे किरकोळ बाजारात एक लिंबू पाच ते सहा रुपयांच्या दराने विकले जात आहे.

यामुळे सरबत विक्रेत्यांना आणि हॉटेल व्यवसायांना लिंबांच्या खरेदीसाठी अधिक खर्च करावा लागत आहे. आणखी, पिकाच्या काळातच लिंबांची आवक कमी होणे हे एक मोठे कारण आहे, ज्यामुळे दर वाढले आहेत. अनेक व्यापारी व ग्राहकांमध्ये चिंता व्यक्त केली जात आहे की, लवकरच ही स्थिती सुधारेल की नाही. बाजारातील स्थिती यापुढे कशी बदलते, हे पाहणे महत्त्वाचे ठरेल.

उन्हाचा चटका वाढल्याने लिंबांच्या आणि काकडीच्या मागणीत माेठी वाढ झाल्याचं चित्र पुण्यातील मंडई मध्ये पहायला मिळालं. उन्हाळ्यात रसवंतीगृह चालक, सरबत विक्रेते, फळ विक्रेते तसेच घरगुती ग्राहकांकडून लिंबसह काकडीला मोठी मागणी पाहायला मिळतेय. किरकोळ बाजारात एक लिंबू १३ ते १५ रुपयांना तर त्याचा वाटा ५० रुपयांपर्यंत पोहचला आहे. दुसऱ्या बाजूला, किरकोळ बाजारात काकडीनं सुद्धा भाव खाल्ला आहे. बाजारात काकडी जवळपास ५० रुपये ते ६० रुपयांपर्यंत प्रति किलो पर्यंत गेली आहे. उन्हाळी वातावरणात प्रचंड प्रमाणात काकडीचे उत्पादन होतं पण दुसऱ्या बाजूला मागणी सुद्धा वाढल्यामुळे दर सुद्धा वाढले आहेत.