- अजय सोनवणे

Nashik NCP News : महाराष्ट्र सरकारने राज्यातील ४० तालूके दुष्काळी (drought in 40 taluka of maharashtra) जाहीर केले आहेत. यामध्ये चांदवड (chandwad) व नांदगाव (Nandgaon) तालूक्याचा समावेश नसल्याने नेते मंडळींसह शेतकरी आक्रमक झाले आहे. या निर्णयाच्या विराेधात राष्ट्रवादी काॅंग्रेसने आजपासून (गुरुवार) बेमुदत उपाेषण सुरु केले आहे. (Maharashtra News)

चांदवड व नांदगाव तालूक्यात कमी पाऊस होऊनही ट्रिगर १ व ट्रिगर २ मध्ये बसत असताना शासनाने हे दोन्ही तालूके दुष्काळी जाहीर न केल्याने शेतक-यांमध्ये नाराजी पसरली आहे. खरीप हंगामात पिकांची वाढ झालेली नाही,पिक जळून गेली तर नदी नाले,धरणात पुरेसा पाणीसाठा नसतांना कुठल्या निकषाच्या आधारावर सरकारने या दोन्ही तालूक्यांचा समावेश दुष्काळी यादीत समावेश केला नाही असा प्रश्न उपस्थित केला जात आहे.

दरम्यान शासनाने नांदगाव तालुका दुष्काळी जाहीर करावा या मागणीसाठी राष्ट्रवादी शरद पवार गटातर्फे (NCP Sharad Pawar Faction) नांदगाव तहसील कार्यालया जवळ बेमुदत उपोषण सुरू केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

साम टीव्हीशी बाेलताना राष्ट्रवादी तालुका अध्यक्ष महेंद्र बोरसे म्हणाले नाशिक जिल्ह्याच्या पूर्व भागात यंदा अगदी कमी प्रमाणात पाऊस झाला. त्यामुळे तालुक्यतील शेतकऱ्यांची पिके पाण्याअभावी जाळून गेली आहेत.

तालुक्यात अत्यंत कमी पाऊस होऊन ही ट्रिगर1 व ट्रिगर2 मध्ये बसत असताना शासकीय यंत्रणेच्या निष्काळजीपणामुळे तालुक्याचा दुष्काळी यादीत समावेश झालेला नाही. शासनाने दुष्काळी यादीत नांदगावाचा समावेश करावा अशी मागणीही महेंद्र बोरसे यांनी केली.

Edited By : Siddharth Latkar