सचिन गाड

JJ Hospital News: कोव्हिड सेंटर घोटाळा प्रकरणात ईडीचं धाड सत्र सुरु झालं आहे. मुंबई महानगर पालिकेच्या कोव्हिड सेंटर घोटाळ्याविरोधात किरीट सोमय्या यांनी महानगर दंडाधिकाऱ्यांकडे तक्रार दाखल केली आहे. त्यानंतर अनेक पदाधिकारी आणि राजकीय नेत्यांवर कारवाई सुरु आहे. अशात जे जे रुग्णालयातील प्राध्यापक डॉ. हेमंत गुप्ता यांचे नाव देखील या प्रकरणी समोर आले आहे. (Latest Marathi News)

गुप्ता यांचे तिन्ही कक्ष बंद

ईडीच्या (ED) प्रकरणात नाव येताच त्यांच्यावर कारवाई झाली आहे. डॉ. हेमंत गुप्ता यांच्याकडे जे जे रुग्णालयातील जे युनिट होते तसेच ज्यात ते काम करत होते त्यातून त्यांना काढून टाकण्यात आलं आहे. गुप्ता यांच्यावरील सर्व पदभार देखील काढून घेण्यात आला आहे.

१५ वर्षांपासून कार्यरत

डॉ. हेमंत गुप्ता (Hemant Gupta) गेल्या १५ वर्षांपासून जे जे रुग्णालयात प्राध्यापक म्हणून कार्यरत आहेत. चौकशीच्या फेऱ्यात असलेल्या लाईफलाईन हॉस्पिटल मॅनेजमेंट सर्व्हिसेस कंपनीचे गुप्ता एक भागधारक आहेत. मुंबई पोलिसांनी दाखल केलेल्या गुन्ह्यात गुप्ता आरोपी म्हणून समोर येताच यांच्याकडच्या सर्व कक्षा बंद केल्यात.