Washim News  Saam Tv
महाराष्ट्र

Washim News : वाशिममध्ये दूषित पाण्याचा पुरवठा; 50 हून अधिक जण आजारी, नागरिकांच्या आरोग्याचा प्रश्न ऐरणीवर

Contaminated water Supply At Washim: वाशिमच्या मंगरुळपीर तालुक्यातील शेलूबाजार येथे दूषित पाणीपुरवठा झाला आहे. यामुळे 50 हून अधिक जण आजारी पडले आहेत.

साम टिव्ही ब्युरो

मनोज जयस्वाल, साम टीव्ही, वाशिम प्रतिनिधी

वाशिममधून एक संतापजनक बातमी समोर आली आहे. वाशिमच्या मंगरुळपीर तालुक्यातील शेलूबाजार येथे दूषित पाणीपुरवठा झाला आहे. यामुळे 50 हून अधिक जण आजारी पडले आहेत. त्यांना उलटी, मळमळचा त्रास सुरू झाल्याने अचानक अनेकजण आजारी पडले.

अत्यवस्थ वाटत असल्याने त्यांना तातडीने वाशिम येथील जिल्हा सामान्य रुग्णालयात दाखल करण्यात आले होते. मात्र काही रुग्णांना जास्त त्रास जाणवत असल्याने त्यांना अकोला येथे दाखल करण्यात आले आहे. तर काहींवर खासगी रुग्णालयात उपचार सुरु आहेत.

मंगरुळपीर तालुक्यातील शेलुबाजार येथे नळ योजनेद्वारे गावात पाणीपुरवठा होतो. मात्र काही दिवस पाणीपुरवठा बंद होता. त्यानंतर पाणीपुरवठा पुर्ववत करण्यात आला. पाईपलाईनच्या लिकेजमधून नागरिकांना दूषित पाणी पुरवठा झाल्यानं, दूषित पाणी प्यायल्याने उलटी, मळमळचा त्रास उद्भवला. त्यांच्यावर प्राथमिक उपचार करण्यात आले होते.

अचानक गावातील अनेकांना त्रास जाणवू लागल्याने त्यांना तातडीने वाशीम येथे जिल्हा सामान्य रुग्णालयात दाखल करण्यात आले. गावातील पाईपलाईन नादुरुस्त असल्यामुळे दूषित पाणी पिण्यास आल्याने अनेकांना त्रास उद्भवला असून त्यांच्यावर उपचार करण्यात येत आहेत. रुग्णांची तब्येत स्थिर असल्याचं आरोग्य विभागाकडून सांगण्यात येत आहे.

मात्र या घटनेनंतर स्थानिक नागरिकांमध्ये संतापाचे वातावरण आहे. शुद्ध पाणी मिळत नसल्याने नागरिकांनी प्रशासनाला आंदोलनाचा इशारा दिला आहे. दरम्यान, या घटनेनंतर पुन्हा एकदा नागरिकांच्या आरोग्याचा प्रश्न ऐरणीवर आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Beed Accident: रेसच्या नादात भाजप नगरसेवकाच्या मुलाने घेतला दाम्पत्याचा जीव; अपघाताचा थरारक CCTV Video आला समोर

दुष्काळाच्या संकटावर मात करण्यासाठी सरकारचा अॅक्शन प्लॅन तयार; जलसंधारणाच्या कामांना मिळणार वेग

भाजपच्या महिला आमदाराला विषबाधा; व्हेंटिलेटरवर उपचार, प्रकृती चिंताजनक

कॅन्सरग्रस्तांसाठी आशेचा नवा किरण; कॅन्सरला हरवणं शक्य, क्लिनिकल ट्रायलमध्ये शास्त्रज्ञांना मोठं यश

कारवाईनंतरही पुन्हा अतिक्रमण केल्यास गुन्हा; पुणे मनपा आयुक्तांचा व्यापाऱ्यांना कठोर इशारा

SCROLL FOR NEXT