- अमर घटारे

अमरावती लाेकसभा मतदारसंघातून भाजप खासदार नवनीत राणा यांचा पराभव करणा-या विद्यमान खासदार बळवंत वानखडे यांच्या विजयी रॅलीत अमरावतीच्या राजकमल चौकात काही युवकांनी अश्लील हातवारे व असभ्यतेचे वर्तन केले. युवकांचे हेे कृत्य नवनीत राणांबाबत असल्याचा ठपका युवकांवर असून या प्रकरणी पाेलिसांनी सात जणांना अटक केली आहे. दरम्यान काॅंग्रेस आमदार यशाेमती ठाकूर यांनी या कृत्याचा निषेध नाेंदवित अमरावतीची शांतता भंग करण्याचा काेणीही प्रयत्न करु नये अन्यथा त्यांच्यावर कडक कारवाई केली जाईल असा इशारा दिला आहे.

दरम्यान या संपूर्ण प्रकरणाला वेगळं वळणं येऊ नये यासाठी काँग्रेस नेत्या आमदार यशोमती ठाकूर यांनी या प्रकाराचा निषेध केला. त्या म्हणाल्या याच समर्थन काेणीही करु नये आणि अशा प्रवृत्तींवर कडक कारवाई हाेणे गरजेचे आहे.

दाेन समाजातील कट्टरपंथी हे केवळ अमरावतीला नव्हे तर देशाला घातक आहे. अमरावतीची शांती भंग होत असेल तर दोषींवर कडक कारवाई करा अशी मागणी आमदार ठाकूर यांनी केली आहे. काही जण आजही राजकमल चाैकात दंगा भडकविण्याचा प्रयत्न करीत आहेत असा गंभीर आराेप करत अमरावतीत शांतता अबाधित राखून ठेवा असे आवाहन यशोमती ठाकूर यांनी केले आहे.

Edited By : Siddharth Latkar