Congress and Vanchit Bahujan Aghadi alliance Mumbai : महापालिका निवडणुकीसाठी काँग्रेस आणि वंचित बहुजन आघाडी यांच्या युतीची घोषणा करण्यात आली. काँग्रेसचे प्रदेशाध्यक्ष हर्षवर्धन सपकाळ आणि वंचित बहुजन आघाडीचे प्रदेशाध्यक्ष धैर्यवर्धन पुंडकर यांच्या उपस्थितीत आज मुंबईमध्ये युतीची घोषणा करण्यात आली. मुंबईसाठी काँग्रेस आणि वंचित यांची युती झाली आहे. युतीचे जागावाटपही फायनल झालेय. याची घोषणा करण्यात आली. (Congress–Vanchit Alliance Confirmed Ahead of Civic Polls, Mumbai Seat Sharing Formula Announced)

मुंबई महापालिकेसाठी वंचित आणि काँग्रेस यांच्या युतीची घोषणा करण्यात आली आहे. भविष्यात राज्यात इतर ठिकाणीही काँग्रेस आणि वंचित यांची युती होईल, असे सपकाळ म्हणाले. मुंबईसाठी काँग्रेसने वंचितला ६२ जागा दिल्या आहेत. तर काँग्रेस १५६ जागा लढवणार आहे.

काँग्रेस आणि वंचित आघाडीमुळे महापालिका निवडणुकीतील राजकीय समि‍करणे बदलणार आहे. काँग्रेस-वंचित एकत्र आल्यामुळे दलित, वंचित आणि अल्पसंख्याक मतदारांवर प्रभाव पडणार आहे. या युतीच्या घोषणेमुळे महायुती आणि महाविकास आघाडीच्या रणनीतीवरही परिणाम होणार असल्याचे बोलले जात आहे.