- तबरेज शेख

Nashik :

देशातील भविष्यातील निवडणुका या बॅलेट पेपर (ballot paper) घ्याव्यात अशी मागणी आज (गुरुवार) नाशिक शहारात संविधान सन्मान वकील समितीने केली. ईव्हीएम वर निवडणुका नकाेत अशा घाेषणा देत संविधान सन्मान वकील समितीने ईव्हीएम विरोधात मोर्चा काढला. (Maharashtra News)

ईव्हीएम मशीन संदर्भात विविध चर्चा विचर्चा सुरू आहेत. ईव्हीएम संदर्भात आता संशय व्यक्त केला जाऊ लागला आहे. त्यामुळे आगामी काळातील सर्वच निवडणुका या बॅलेट पेपरवर घ्याव्यात अशी मागणी संविधान सन्मान वकील समितीने निवेदनाद्वारे नाशिक जिल्हा प्रशासनास केली आहे.

ईव्हीएम हटाव देश बचाव असा नारा देत संविधान सन्मान वकील समितीने ईव्हीएमची प्रतीकात्मक अंत्ययात्रा काढली. त्यानंतर नाशिकच्या गोल्फ कल्ब ते जिल्हाधिकारी कार्यालयापर्यंत मोर्चा काढण्यात आला. यावेळी समितीने निवेदनाच्या माध्यमातून देशातील भविष्यातील निवडणुका या बॅलेट पेपर घ्याव्यात अशी मागणी जिल्हा प्रशासनास केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar