जळगाव : कुणाच्या भावना कशा आणि कधी दुखावतील हे सांगता येत नाही. जळगावातील एका विद्यार्थ्याने एक मुलगी आपल्याशी बोलत नाही या क्षुल्लक कारणावरून जीवन संपवलं आहे. घटनेने संपूर्ण परिसरात खळबळ उडाली आहे.

जळगाव जिल्ह्यातील जळगाव जामोद येथील श्रीपाद कृष्ण कोल्हटकर महाविद्यालयाच्या वाणिज्य शाखेच्या प्रथम वर्षाच्या विद्यार्थ्याने आत्महत्या केली आहे. महाविद्यालयातील वर्गातच त्याने हे टोकाचं पाऊल उचललं आहे. सूरज असं आत्महत्या केलेल्या विद्यार्थ्याचं नाव आहे. मृत्यूपूर्वी त्याने एक सुसाईड नोटही लिहली आहे.

एक मुलगी माझ्याशी न बोलता इतर मुलांशी बोलते, अशी सुसाइड नोट लिहून या विद्यार्थ्याने आत्महत्या केली आहे. काल सायंकाळी सुरक्षा रक्षकाच्या ही घटना लक्षात आल्यावर तत्काळ महाविद्यालयाच्या प्राचार्यांना व पोलिसांना माहिती देण्यात आली. मृत विद्यार्थी जळगाव जामोद तालुक्यातील येणंगाव येथील रहिवाशी होता. पोलिसांनी या प्रकरणी आकस्मिक मृत्यूची नोंद करून चौकशी सुरु केली आहे. (Latest News Marathi)