रश्मी पुराणिक

मुंबई - संयुक्त महाराष्ट्राच्या चळवळीतील हुतात्म्यांना महाराष्ट्र दिनानिमित्त मुख्यमंत्री उद्धव ठाकरे (Uddhav Thackeray)यांनी मुंबईतील (Mumbai) हुतात्मा चौक येथील स्मारकास पुष्पचक्र अर्पण करून विनम्र अभिवादन केले. यासोबतच रश्मी ठाकरे आणि आदित्य ठाकरे (Aditya Thackeray) यांनी देखील महाराष्ट्र दिनानिमित्त अभिवादन केलं.

कितीही संकटे आली तरी महाराष्ट्र धर्माची पताका विश्वात फडकविणारच, असा विश्वास देत मुख्यमंत्री उद्धव ठाकरे यांनी जनतेला महाराष्ट्र दिनाच्या शुभेच्छा दिल्या आहेत. यावेळी खासदार अरविंद सावंत, मुख्य सचिव मनुकुमार श्रीवास्तव, पोलीस महासंचालक रजनीश सेठ मुंबई महापालिकेचे प्रशासक आय. एस. चहल मुख्यमंत्री यांचे प्रधान सचिव विकास खारगे आदीनीही हुतात्म्यांना स्मारकास पुष्पचक्र अर्पण करून अभिवादन केले. आज महाराष्ट्र राज्य स्थापनेचाा 62 वा वर्धापन दिन सोहळा मोठ्या उत्साहात साजरा करण्यात येत आहे. त्यानिमित्त राज्यात वेगवेगळ्या कार्यक्रमाचे देखील आयोजन करण्यात आले आहे.