अमोल कलये, रत्नागिरी

रत्नागिरी जिल्ह्यातील चिपळूण मतदारसंघात राष्ट्रवादी काँग्रेस अजित पवार गट आणि राष्ट्रवादी काँग्रेस शरदचंद्र पवार पक्षात थेट लढत आहे. अजित पवार गटाकडून शेखर निकम यांना उमेदवारी दिली आहे. तर शरद पवार गटाकडून प्रशांत यादव यांना उमेदवारी दिली होती.

सकाळ समूहाच्या साम टीव्हीच्या एक्झिट पोलच्या अंदाजानुसार, शेखर निकम हे संभाव्य आमदार असू शकतात. तर प्रशांत यादव यांना पराभवाला सामोरे जावे लागू शकते.

रत्नागिरी जिल्ह्यातील पाच विधानसभा मतदारसंघापैकी एकमेव जागा ही राष्ट्रवादी काँग्रेसला मिळाली. चिपळूणमध्ये राष्ट्रवादी विरुद्ध राष्ट्रवादी अशीच झाली. प्रशांत यादव आणि शेखर निकम यांच्यात अत्यंत चुरशीची लढत पाहायला मिळाली. सहकार क्षेत्राच्या जोरावर यादव पहिल्यांदाच या मतदारसंघातून निवडणूक लढवत आहेत. तर शेखर निकम पुन्हा नशीब आजमावत आहेत.

महाराष्ट्र विधानसभा निवडणुकीसाठी मतदान झालं असून, २३ तारखेला मतमोजणी आहे. निकाल काय लागतो तो याच दिवशी स्पष्ट होईल. हा एक्झिट पोलचा प्राथमिक अंदाज आहे.