Beijing Hospital Fire News: चीनची राजधानी बीजिंगमधील एका रुग्णालयात लागलेल्या भीषण आगीत २१ जणांचा दुर्दैवी मृत्यू झाला आहे. ही आग एवढी भीषण होती की त्याचे लोळ आणि धुराचे लोट दूरवर दिसत होते.

याबाबत माहिती मिळताच अग्निशमन दलाने घटनास्थळी धाव घेतली आणि रुग्णालयातून ७१ जणांची सुटका केली. इतर रुग्णांना दुसऱ्या रुग्णालयात हलवण्यात आले आहे. अथक प्रयत्नांनंतर अग्निशमन दलाा आगीवर नियंत्रण मिळवण्यात यश आले आहे.

मीडिया रिपोर्ट्सनुसार, ही आग स्थानिक वेळेनुसार दुपारी 12.57 च्या सुमारास लागली. त्यावर नियंत्रण मिळविण्यासाठी दीड तास लागला. बीजिंगमधील चांगफेंग हॉस्पिटलमध्ये ही घटना घडली. आगीचे कारण अद्याप समजू शकलेले नाही. पोलीस सध्या या प्रकरणाचा तपास करत आहेत. (fire news)

एका प्रत्यक्षदर्शींनी सांगितले की, हे दुःखद आहे. मी माझ्या घराच्या खिडकीतून अपघाताचे भीषण दृश्य पाहत होतो. दुपारी अनेक लोक एसी युनिटवर उभे होते. रुग्णालयातील आग भडकल्याने भीतीपोटी काही लोकांनी रुग्णालयावरून खाली उड्या मारल्या. यात अनेक जण जखणी झाले.

दुसरीकडे, चीनच्या पूर्वेकडील झेजियांग प्रांतातील जिन्हुआ शहरातील वुई काउंटीमध्ये सोमवारी एका कारखान्याला लागलेल्या आगीत 11 जणांचा होरपळून मृत्यू झाला. अशा प्रकारे चीनमध्ये दोन घटनांमध्ये 32 जणांचा मृत्यू झाला आहे. (Latest Marathi News)