'सकाळ माध्यम समूहा'ने आयोजित केलेल्या श्रीगुरू पादुका दर्शन सोहळ्याची उत्साहात सुरूवात झाली आहे. या श्रीगुरू पादुका दर्शन सोहळ्यात २१ संतांच्या पादुकांचं दर्शन घेता येणार आहे. भक्तीचा महाकुंभ दोन दिवस भरणार आहे. या कार्यक्रमाचे उद्धघाटन मुख्यमंत्री देवेंद्र फडणवीस यांच्या हस्ते झालं. ‘सकाळ माध्यम समूहा’ने आयोजित केलेल्या श्रीगुरू पादुका दर्शन उत्सवासाठी मोठ्या संख्येने भाविक नोंदणी करत आहेत. भाविकांची कुठलीही गैरसोय होऊ नये म्हणून वेगवेगळ्या सोयी-सुविधांनी ‘भक्तीचा महाकुंभ’ सज्ज होतोय.

आजपासून या उत्सवाला सुरुवात झाली असून, 21 श्रीगुरूंच्या पादुकांसाठी वरळीच्या NSCI डोममध्ये आकर्षक मंदिरे साकारण्यात आलीय. सद्‌गुरूंच्या पादुकांचे दर्शन घडविणाऱ्या 'श्रीगुरू पादुका दर्शन उत्सव'सोहळ्यासाठी राज्यभरातून भाविकांनी हजेरी लावली. भक्तीमय वातावरणात या सोहळ्याला सुरूवात झालीय. भारताला संपन्न आध्यात्मिक परंपरा आणि सांस्कृतिक वैभव लाभले आहे. त्याचं दर्शन या भक्तीच्य महाकुंभात होत आहे. भक्तीच्या महाकुंभात एकाच छत्राखाली २१ श्रीगुरूंच्या मूळ पादुकांचे दर्शन घेण्याची भाविकांना मिळणार आहे.