संजय गडदे

Odisha News : महाराष्ट्राचे आराध्य दैवत असलेल्या छत्रपती शिवाजी महाराजांविषयी अपमानास्पद आणि आक्षेपार्ह मजकूर लिहिण्याचा सिलसीला अजूनही थांबण्याचे नाव घेत नाही. ओडिशा राज्यातील कंपनीने आता चक्क सिबाजी मावा मसाला नावाने व्यवसाय सुरू केला आहे. (Latest Marathi News)

उत्पादनाच्या पिशवीवर छत्रपती शिवाजी महाराजांचा फोटो आणि सीबाजी मावा मसाला असा उल्लेख असून तो स्पष्टपणे दिसून येत आहे. मात्र यामुळे अखंड हिंदूंच्या भावना दुखावल्या आहेत. ठाकरे गटाच्या युवा सेनेचे सदस्य असलेल्या राहुल कानाल यांनी ओडिशाचे मुख्यमंत्री नवीन पटनायक यांना एक पत्र लिहिले आहे.

या पत्रात राहुल कणाल यांनी म्हटले आहे. हा आमच्या देवतेचा अपमान आहे. यामुळे आपण या कंपनीला त्वरित सक्त आदेश देऊन कारवाई करावी. लवकरात लवकर ते नाव बदलण्याचे आदेश द्यावे, असे ओडिशाचे मुख्यमंत्री पटनायक यांना लिहिलेल्या पत्रात म्हटले आहे.