माधव सावरगावे, साम टीव्ही, प्रतिनिधी

Chhatrapati Sambhajinagar : छत्रपती संभाजीनगरमध्ये भीषण अपघात घडला. एका चारचाकी कारने रस्त्यावरुन चालणाऱ्या महिलेला उडवले. काही अंतरापर्यंत कारने महिलेला फरफटत नेले. अपघातामध्ये महिला गंभीररित्या जखमी झाली. हा संपूर्ण प्रकार शिवसेना शिंदे गटाचे खासदार संदिपान भुमरे यांच्या कार्यालयासमोर घडलेला होता. आता अपघाताचे सीसीटीव्ही फुटेज समोर आले आहे.

सीसीटीव्ही फुटेजमध्ये भरधाव वेगाने येणारी कार पाहायला मिळते. कारने एका महिलेला उडवल्याचे व्हिडीओत दिसते. धडक दिल्यानंतर महिलेच्या शरीरावरुन कारचे उजवे चाक गेले. थोड्या अंतरापर्यंत कारने महिलेला फरफटत नेले. त्यानंतर कार थांबून त्यातून दोन तरुण बाहेर आल्याचे सीसीटीव्ही व्हिडीओत दिसते.

मिळालेल्या माहितीनुसार, काल बुधवारी (१३ ऑगस्ट) हा अपघात झाला होता. कारने रस्त्यावर चालणाऱ्या एका महिलेला जोरदार धडक मारली. त्यानंतर तिला फरफटत नेले. कारमधील चालक आणि त्याच्या साथीदाराने जखमी महिलेला रस्त्याच्या बाजूला ठेवले आणि ते दोघे कार घेऊन पसार झाले. या घटनेचे आज (१४ ऑगस्ट) सीसीटीव्ही फुटेज समोर आले आहे.

छत्रपती संभाजीनगरमध्ये अपघात झाला. अपघातामध्ये एक महिला गंभीररित्या जखमी झाली. धडक मारल्यानंतर कारने महिलेला फरफटत नेले. त्यानंतर महिलेला रस्त्याच्या बाजूला ठेवून कारचालक पळून गेला. महिलेला जमावाने उपचारासाठी घाटी रुग्णालयात दाखल करण्यात आले. हा संपूर्ण प्रकार खासदार संदिपान भुमरे यांच्या कार्यालयासमोर घडला.