Chhatrapati Sambhajinagar News: उधार दिलेले पैसे परत मागितले म्हणून युवकाला चाकुने मारहाण केल्याची घटना छत्रपती संभाजीनगरमध्ये घडली आहे. शहरातील कुवारफल्ली येथे हा भयंकर प्रसंग घडला. या प्रकरणी गुन्हा दाखल होऊन 6 दिवस उलटले तरी आरोपी अद्याप मोकाट आहे. या घटनेचे अंगावर शहारे आणणारे सीसीटीव्ही फूटेज देखील समोर आले आहे.

उधार दिलेले पैसे परत मागितले म्हणून झालेल्या वादात तरुणाने थेट चाकू आणि लोखंडी रॉडने युवकास गंभीर जखमी केल्याच्या घटनेने संभाजीनगर शहर हादरलं आहे. शहरातील कुवारफल्ली भागात ही घटना घडली. विशेष म्हणजे गुन्हा दाखल होऊन 6 दिवस उलटले तरी आरोपी अद्याप मोकाट आहेत.

जुना बायजीपुरा भागात राहणारे नीलेश लुटे यांनी त्यांच्या ओळखीच्या रोहित कावेटी याला 50 हजार रूपये उधार दिले होते. काही दिवसांनी नीलेश यांनी पैसे परत मागितले, तेव्हा रोहितने ते पैसे परत देण्यास नकार दिला. यावरून दोघांमध्ये वाद झाला. (Crime News)

यानंतर संतापलेल्या रोहितने त्याचा मित्र गौरव जटावाले याला बोलावून घेतलं आणि कुवारफल्ली भागात नीलेशवर चाकुने हल्ला केला. रोहितने नीलेशला लोखंडी रॉडनेही मारहाण केली. या घटनेत नीलेश गंभीर जखमी झाला आहे. या घटनेचे सीसीटीव्ही फुटेज देखील समोर आले आहे. (Latest Marathi News)