छत्रपती संभाजीनगरमधील पैठण रोडवरील कांचनवाडी येथे भीषण अपघात झाल्याची माहिती समोर आली आहे. ट्रकने चार ते पाच मोटार सायकल स्वारासह चार चाकी वाहनांना उडवल्याने मोठा अपघात झाला आहे. यामध्ये एक महिला जागीच ठार झाल्याची माहिती मिळत आहे. अपघानंतर परिसरात मोठी वाहतूक कोंडी झाली आहे.
प्राथमिक माहितीनुसार, धुळे सोलापूर हायवे वरून पैठण रोडवर ट्रक उतरत होता. त्यावेळी उतारावरून ट्रक खाली येत असताना ट्रकने 3 कार, 7 दुचाकी आणि 1 रिक्षाला जोडरदार धडक दिली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
या विचित्र अपघातात 1 महिला जागीच ठार झाली असून 6 जण जखमी असल्याची प्राथमिक माहिती आहे. अरुंद रस्ता आणि त्यात काम चालू असल्यामुळे मोठ्या प्रमाणावर वाहतूक कोंडीत झालेली होती. त्याचवेळेस हा अपघात झाल्याचं सांगण्यात येत आहे. मृतांचा आकडा वाढण्याची शक्यात वर्तवण्यात येत आहे. (Latest Marathi News)
दरम्यान, नाशिकमध्येही भीषण अपघाताची घटना घडली आहे. मनमाड- मालेगाव महामार्गावर मनमाडहून नंदूरबारकडे जात एसटी बस व कांद्याने भरलेल्या ट्रॅकरचा अपघात झाला. यामध्ये ट्रॅक्टर चालकाचा जागीच मृत्यू झाला. यात बस प्रवासीही जखमी झाले.
मिळालेल्या माहितीनुसार, बस व ट्रॅक्टर यांची समोरासमोर धडक होऊन हा अपघात झाला. या अपघात अपघातात ट्रॅक्टर ट्रॉली पलटी झाल्याने रस्त्यावर सर्वत्र कांदा फेकला गेला होता. अपघाताची माहिती मिळताच पोलिस घटनास्थळी पोहचत त्यांनी अधिक तपास सुरु केला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.