माधव सावरगावे, साम टीव्ही छत्रपती संभाजीनगर

छत्रपती संभाजीनगरमध्ये एक विचीत्र अपघाताची घटना समोर आली आहे. ड्रायव्हरचं नियंत्रण सुटल्यामुळे एका कार मुख्य रस्त्यावरील वाहनांना उडवत पेट्रोल पंपावर धडकली. यामध्ये तीन चारचाकी आणि एका दुचाकीस्वाराला कारने उडवल्याचं समोर आलं आहे. या विचित्र अपघातामध्ये चारजण गंभीर जखमी झाल्याचं समोर आलं आहे. या अपघातात ९ वर्षाच्या चिमुकलीचा मृत्यू झालाय. मारिया सईद शेख जानोद्दीन असं मृत्यू झालेल्या चिमुरडीचे नाव आहे. चालक अविनाश मोरे या आरोपीला सिल्लोड पोलिसांकडून अटक करण्यात आलीय. आरोपीवर कलम ३०४ प्रमाणे सदोष मनुष्यवधाचा गुन्हा दाखल करण्यात आला आहे.

हा थरारक अपघात छत्रपती संभाजीनगर-जळगाव रोडवरील माणिकनगर येथील काळे पेट्रोल पंपासमोर घडला (Chhatrapati Sambhajinagar Car Accident) आहे. कारची धडक इतकी जोरदार होती की, या कारच्या एअर बॅग्ज उघडल्या ही होत्या. अपघाताची ही घटना सीसीटीव्ही कॅमेऱ्यात कैद झाली आहे. या कारने सिल्लोडकडून येणाऱ्या चारचाकीला धडकली, पुन्ही वळण घेऊन या कारने छत्रपती संभाजीनगरहून येणाऱ्या मोटारसायकललाजोराची धडक (Accident News) दिली. त्यानंतर ही कार काळे पेट्रोल पंपात घुसली.

त्यानंतर ही कार पेट्रोल पंपाजवळील खांबाच्या भिंतीला लागून असलेले लोखंडी साइड गार्ड तोडून पेट्रोल टँकला लागून असलेल्या लोखंडी जाळीच्या गार्डमध्ये (Chhatrapati Sambhajinagar News) अडकली. त्यामुळे दुर्घटनाग्रस्त कार जागेवरच थांबली. कार थांबल्यामुळे पंपासमोर असलेले जवळपास तीस जण बचावले आहेत. या घटनेनंतर कारचालक पळून गेल्याचं समोर आलं आहे.

छत्रपती संभाजीनगरमध्ये एक भरधाव कार पेट्रोल पंपाला धडकल्याचं समोर आलं आहे. या अपघातामध्ये एकूण चारजण जखमी झाले आहेत. ही कार घटनास्थळी नुसती गोल गोल फिरत (Road Accident) होती. या कारने तीन चारचाकी आणि एका दुचाकीला धडक दिली आहे. छत्रपती संभाजीनगर-जळगाव रोडवरील माणिकनगर येथे हा अपघात झाला आहे. चालकाचं नियंत्रण सुटल्यामुळे अपघात झाल्याचं समोर आलंय.