Nashik Bus Accident : नाशिक शहरात आज (शनिवार) झालेल्या खासगी बस आणि ट्रेलरच्या भीषण अपघातात (accident) काही प्रवाशांचा जागीच होरपळुन दुर्दैवी मृत्यू झाला आहे. या घटनेने (Nashik Accident News Today) संपुर्ण महाराष्ट्र हादारलं आहे. राष्ट्रवादी काॅंग्रेसचे ज्येष्ठ नेते आमदार छगन भुजबळ यांनी अपघातग्रस्त ठिकाणी भेट दिली. त्यानंतर रुग्णालयात जखमींची विचारपूस केली. यावेळी माध्यमांशी बाेलताना भुजबळ यांनी मुख्यमंत्री एकनाथ शिंदे (eknath shinde) यांच्याशी चर्चा केल्याचेही सांगितले. (Breaking Marathi News)

ज्येष्ठ नेते भुजबळ म्हणाले नाशिक शहरात नांदूरनाका परिसरात झालेल्या भीषण अपघाताची घटना अतिशय दुःखद आहे. बसने पेट घेतल्यामुळे काही प्रवाशांचा जागीच होरपळुन दुर्दैवी मृत्यू झाला आहे. या मृत्यू झालेल्या प्रवाशांच्या कुटुंबियांच्या दुःखात आम्ही सहभागी आहोत.

भुजबळ म्हणाले या अपघातामधील जळालेल्या काही लाेकांची ओळख पटविणं अशक्य झालं आहे. काही लाेकांना फ्रॅक्चर झाले आहे. काही लाेकांना जखमा झाल्या आहेत. डाॅक्टर त्यांच्यावर उपचार करीत आहेत. अन्य रुग्णालयातील वैद्यकीय अधिकारी देखील येताहेत. मी स्वत: मुख्यमंत्री एकनाथ शिंदे यांच्याशी बाेललाे आहे. अपघातग्रस्तांना मदत कार्य सुरु आहे.

या अपघाताची कारणं समाेर येतीलच. त्यासाठी पाेलीस पंचनामा करीत आहेत. या अपघातग्रस्तांना शासनाची तातडीने आर्थिक मदत मिळावी यासाठी चर्चा झाल्याचेही भुजबळ यांनी नमूद केले.

Edited By : Siddharth Latkar