डॉ. भागवत कराड हे मंत्रीपदाची शपथ घेताना जल्लोष केल्याने कार्यकर्त्यांवर गुन्हा दाखल saam tv news
महाराष्ट्र

डॉ. भागवत कराड हे मंत्रीपदाची शपथ घेताना जल्लोष केल्याने कार्यकर्त्यांवर गुन्हा दाखल

केंद्रीय मंत्रीमंडळात डॉ. भागवत कराड यांची वर्णी लागताच औरंगाबादमध्ये भाजप कार्यकर्त्यांनी जल्लोष केला. मात्र जल्लोष करताना कोरोना नियमांचे पालन केले नसल्यानं भाजपच्या ५० ते ६० कार्यकर्त्यांविरोधात गुन्हा दाखल करण्यात आला आहे.

डॉ. माधव सावरगावे

औरंगाबाद- केंद्रीय मंत्रीमंडळात डॉ. भागवत कराड यांची वर्णी लागताच औरंगाबादमध्ये भाजप कार्यकर्त्यांनी जल्लोष केला. मात्र जल्लोष करताना कोरोना नियमांचे पालन केले नसल्यानं भाजपच्या ५० ते ६० कार्यकर्त्यांविरोधात गुन्हा दाखल करण्यात आला आहे. औरंगाबादचे राज्यसभेचे खासदार डॉ. भागवत कराड यांचा शपथविधी सोहळा सुरू असतानाच कार्यकर्त्यांनी भाजपच्या उस्मानपुरा कार्यालयासमोर जोरदार जल्लोष केला. औरंगाबाद शहरातील उस्मानपुरा भागातल्या भाजपच्या कार्यालयासमोर मोठी स्क्रीन लावण्यात आली होता. कराड यांनी शपथ घेतल्यानंतर त्या ठिकाणी फटाके फोडून ढोल-ताशांच्या गजरात जल्लोष करण्यात आला. त्यामुळे वेदांत नगर पोलिस ठाण्यात ५० ते ६० जणांच्या विरोधात गुन्हा दाखल करण्यात आला आहे.

हे देखील पहा -

कोण आहेत डॉ. भागवत कराड?

डॉ. कराड हे लातूर जिल्ह्यातील चिखली (ता. अहमदपूर) गावचे मूळ रहिवासी आहेत. औरंगाबादमधील शासकीय वैद्यकीय महविद्यालयातून त्यांनी वैद्यकीय शिक्षण पूर्ण केले आहे. एमबीबीएस, एमएस, एमसीएच, एफसीपीस अशा पदव्या त्यांच्याकडे आहेत. औरंगाबाद शहराचे दोनवेळा महापौर, भाजप राज्य कार्यकारणीचे उपाध्यक्ष, मराठवाडा वैधानिक विकास महामंडळाचे दोन वर्षे अध्यक्ष म्हणून त्यांनी काम केले आहे. मराठवाड्यात भाजपाला बळ देण्यात त्यांचा मोठा वाटा आहे. नगरसेवक ते केंद्रीय मंत्री असा त्यांचा मोठा राजकीय प्रवास आहे.

मुंडे यांचे कट्टर समर्थक

डॉ. कराड बालरोगतज्ज्ञ आहेत. वैद्यकीय पेशा सांभाळून ते १९९५ साली राजकारणात आले. महापालिकेत त्यांनी अपक्ष म्हणून निवडणूक लढवली आणि ते जिंकलेही. त्यानंतर गोपीनाथ मुंडे यांनी डॉ. कराड यांना राजकारणात ताकद दिली आणि ते औरंगाबाद महापालिकेत दोनवेळा महापौर झाले. गोपीनाथ मुंडे आणि पंकजा मुंडे यांचे ते कट्टर समर्थक मानले जातात.

Edited By - Akshay Baisane

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Weekly Horoscope: या आठवड्यात मोठे खर्च करण्याची तयारी ठेवा; वाचा साप्तहिक राशीभविष्य

Maharashtra Live News Update: महाराष्ट्र राज्य कुस्तीगीर परिषदेचे नवे अध्यक्ष रोहित पवार

गर्लफ्रेंड बॉयफ्रेंडच्या मांडीवर बसली, धावत्या बसमध्ये शारीरिक संबंध; VIDEO व्हायरल करत प्रवाशांनी झापलं

Dhodhadi Waterfall: मुंबईपासून फक्त साडेतीन तासांच्या अंतरावर आहे हा सुंदर धबधबा, पुढचा प्लान इथे नक्की करा

Child Brain Health : लहान मुलांना हे पदार्थ देताय? सावधान! अन्यथा मेंदूवर होईल परिणाम

SCROLL FOR NEXT