चंद्रपूरमधून मोठी बातमी समोर आली आहे. सिंदेवाही तालुक्यातील पवनपार-पवना गावातील मजूर भात रोवणीच्या कामासाठी तेलंगणाकडे जात असताना त्यांच्या वाहनाला भीषण अपघात झाला. ही घटना तेलंगणातील रामगुंडम परिसरात घडली. अपघातात चार जणांचा जागीच मृत्यू झाला असून २७ मजूर गंभीर जखमी झाले आहेत. मृतांमध्ये एक पुरुष आणि तीन महिलांचा समावेश आहे. अतुल सोनुले (४०), अर्चना सोनुले (३०) आणि मंजुषा शेंडे (३५) अशी तिघांची नावे समोर आली असून चौथ्या मृत व्यक्तीची ओळख पटविण्याचे काम सुरू आहे. जखमींवर स्थानिक रुग्णालयात उपचार सुरू आहेत. घटनेची माहिती मिळताच पवनपार-पवना गावासह संपूर्ण परिसरात शोककळा पसरली आहे.