राजेश भोस्तेकर, रायगड

रायगड : केंद्रीय पथकाने महाड, पोलादपूर तालुक्यातील दरड भागाची पाहणी केली आहे. तळीये, केवनाळे, साखर सुतारवाडी येथील दरड दुर्घटनेच्या ठिकाणी या अधिकाऱ्यांनी भेट दिली आहे. येथील दरड दुर्घटनेचा अहवाल केंद्राकडे सादर करण्यात येणार आहे. (Central team inspects the affected area in Mahad and Poladpur taluka)

हे देखील पहा -

महाड, पोलादपूर तालुक्यात झालेल्या दरड दुर्घटनेबाबत पाहणी करण्यासाठी आज केंद्रीय पथक रायगडात दाखल झाले. महाड तालुक्यातील तळीये, पोलादपूर तालुक्यातील केवनाळे, साखर सुतारवाडी याठिकाणी झालेल्या दरड दुर्घटनेच्या ठिकाणी जाऊन पथकाने पाहणी केली. चार जणांच्या केंद्रीय पथकासोबत, कोकण आयुक्तालय, सार्वजनिक बांधकाम विभागाचे अधिकारी पाहणी दौऱ्याला उपस्थित होते.

केंद्रीय पथकाने दरड दुर्घटनास्थळी जाऊन पाहणी करून माहिती घेतली. दरड दुर्घटनेबाबत अहवाल तयार करून तो केंद्राकडे सादर केला जाणार आहे. त्यामुळे दरड दुर्घटना पुन्हा घडू नये तसेच यामध्ये जीवितहानी होऊ नये यादृष्टीने आता केंद्राकडूनही पावले उचलण्याची शक्यता आहे.

Edited By - Akshay Baisane