सांगली : गेल्या आठ्वड्याभरापासून राज्यभरात बैलगाडा शर्यतीचा मुद्दा चांगलाच गाजत आहे. राष्ट्रवादीच्या नेत्यांसह भाजपच्या नेत्यांनीदेखील या महत्वपूर्ण तसेच शेतकऱ्यांशी थेट निगडित असणाऱ्या व ग्रामीण अर्थव्यवस्थेला बळकटी देण्याचा मुद्दा मांडत बैलगाडा शर्यतीलवरील बंदी उठवण्यासाठी रान उठवले आहे.

हे देखील पहा -

या बैलगाडा शर्यतीबाबत आग्रही भूमिका घेणाऱ्या नेत्यांपैकी एक असणारे भाजपचे विधान परिषेदेचे आमदार गोपीचंद पडळकर यांच्यावर बेकायदेशीर व विनापरवाना बैलगाडी शर्यत आयोजित केल्याप्रकरणी त्यांच्या ४१ कार्यकर्त्यांसह गुन्हे दाखल करण्यात आले आहेत.

सांगली जिल्हाधिकारी कार्यालय यांचे संचारबंदी आदेशाचे उल्लंघन केल्याप्रकरणी आणि बेकायदेशीर, विनापरवाना सर्वोच्चन्यायालयाच्या आदेशाचा भंग करुन सांगलीच्या झरे येथे बैलगाडी शर्यत घेतल्याप्रकरणी आमदार गोपीचंद पडळकर यांच्यासह त्यांच्या ४१ कार्यकर्ते वर देखील गुन्हे दाखल करण्यात आले आहेत.

आपत्ती व्यवस्थापन अधिनियम अंतर्गत गुन्हा दाखल करण्यात आला असून बेकायदा जमाव जमविणे सर्वोच्च न्यायालयाच्या आदेशाची पायमल्ली करणे, कोरोना काळात आपत्ती व्यवस्थापनाचा नियम भंग करणे तसेच प्राणीजीवन कायद्याअंतर्गत हे गुन्हे दाखल करण्यात आले आहेत.

Edited By : Krushnarav Sathe