अमरावती : वर्धा Vardha जिल्ह्यामधील चिस्तूर या गावाजवळ अमरावतीहून- नागपूरकडे जात असलेल्या, एका कारचे नियंत्रण सुटल्याने अमरावती- नागपूर राष्ट्रीय महामार्ग क्र. ६ वर नदीच्या दरीमध्ये कार कोसळून चालकसह प्रवासी ठार Dead झाल्याची खळबळजनक घटना सकाळी ७ वाजेच्या सुमारास घडली आहे.

हे देखील पहा-

तळेगांव श्यामजीपंत येथील चिस्तुर गावाजवळ एका MH-३० P-३२१४ या क्रमांकाच्या कारचा भीषण अपघात झाला आहे. यामध्ये ३ जणांचा जागीच मृत्यू झाला आहे. तर एक जण थोडक्यात बचावला आहे. मृतांमध्ये अमित गोयते (वय 32) रा.बडनेरा, शुभम गारोडे ( वय 25) रा.अमरावती, आशिष माटे रा. राजुरा जि.अमरावती, हे तिघे जागीच ठार झाले आहेत. तर शुभम भोयर हा सुखरूप बचावला आहे. या अपघातात कारचा अक्षरशः चुराडा झाला आहे. तर एकाचा मृतदेह तर चक्क झाडावर अडकला होता.

दुसरा मृतदेह वानातत अडकलेला होता. तर तिसऱ्या व्यक्तीचा मृतदेह बाजूला पडून होता. पोलिसांनी लावलेल्या प्राथमिक अंदाजानुसार, सांगण्यात येत आहे की, त्यांचा वाहनावरील ताबा सुटल्याने हा अपघात झाला असावा. तसेच कारणकी, मोठे पळसाचे झाड तोडून ही गाडी चक्क उडाली आणि बाजूला फेकली असावी. घटनास्थळी पोलीस उपनिरीक्षक पवन भांबुरकर, सुधीर डांगे, जमादार राजेश साहू, श्याम गहाट, राहुल अमोने, अनील चिलघर, देवेंद्र गुजर, रमेश परबत, विजय उईके यांनी मोठी कसरत करून मृतदेहांना उत्तरीय तपासणीसाठी पाठवले आहे.

Edited By-Sanika Gade