बीड - गेवराई शहरातील मुख्य रस्त्यावर असणाऱ्या, स्टेट बँक ऑफ इंडियासमोर (State Bank Of India) भररस्त्यात मदमस्त वळूंची झुंज लागली होती. ही झुंज जवळपास अर्धा तास चालू होती. तर ही झुंज पाहण्यासाठी बघ्यांची मोठी गर्दी जमली होती. परंतु ही झुंज सोडवण्याचा प्रयत्न कोणी केला नाही. यामुळं नागरिकांमध्ये काहीशी धावपळ देखील उडाली होती. तर या सर्व प्रकारचा व्हिडिओ सध्या सोशल मीडियावर व्हायरल (Viral Video) झाला आहे. bullfighting in beed)https://twitter.com/saamTVnews/status/1479324727395045379

दरम्यान, या अगोदर बीड (Beed) माजलगावमध्ये तर आता गेवराईमध्ये भररस्त्यात मोकाट जनावरांमध्ये झुंज पाहायला मिळाली आहे. त्यामुळं येणाऱ्या काळात पुन्हा मोकाट जनावरांमध्ये झुंज होऊ नये, ज्याने करून एखादी दुर्घटना देखील होऊ शकते. यामुळं प्रशासनाने या सारख्या घटनांना वेळीच आळा घालावा अशी मागणी नागरिकांमधून होत आहे.

Edited By - Shivani Tichkule