बुलढाणा : गावात सर्रासपणे दारू विक्रीस अवैध धंदे सुरु आहेत. अनेकदा मागणी करून देखील अवैध धंदे बंद होत नसल्याने आज संतप्त महिलांनी पोलीस स्टेशनवर धडक मोर्चा काढला. या ठिकाणी गावात दारूबंदी करावी तसेच सुरु असलेले अवैध धंदे देखील बंद करण्याची मागणी केली आई.

बुलढाणाच्या (Buldhana) लोणार तालुक्यातील गोत्रा गावातील शेकडो महिलांनी शिवसेना नेते गोपाल बाच्चिरे यांच्या नेतृत्वात लोणार पोलीस स्टेशनवर धडक देत पोलिसांकडे गावातील अवैध दारू आणि अवैध धंदे बंद करण्याची मागणी केली. (Liquor Ban) तसेच संपूर्ण लोणार तालुक्यात अवैध दारू विक्री आणि अवैध धंदे सुरू असल्याने अनेकांचे घरे उद्ध्वस्त झाली असून कुटुंब रस्त्यावर आले. तर लहान मुलांना देखील याची सवय लागत असल्याने ते वाईट मार्गाने जात आहेत. 

दारू विक्री बंद काण्याबाबत अनेकदा मागणी केल्यानंतर कारवाई झाली नव्हती. यामुळे गोत्रा गावासह तालुक्यातील अवैध दारू विक्री आणि अवैध धंदे बंद करण्याची मागणी करत महिलांनी पोलिसांना यासंदर्भात निवेदन दिले. यावेळी महिलांनी धडक देत पोलीस स्टेशनसमोर घोषणाबाजी देखील केली.