संजय जाधव, प्रतिनिधी...
Buldhana News: बुलढाण्यामधून एक धक्कादायक घटना समोर आली आहे. मेहेकेर तालुक्यातील देऊळगावमाळी जवळ असलेल्या कोराडी प्रकल्पात एक युवक बुडाल्याची दुर्देवी घटना घडली आहे. रोशन मुरारी इंगळे असे या बुडालेल्या तरुणाचे नाव असून या घटनेने परिसरात खळबळ उडाली आहे.
याबाबत अधिक माहिती अशी की, मेहेकर तालुक्यातील देऊळ गावमाळी जवळ असलेल्या कोराडी प्रकल्पात विवेकानंद स्मारकावर आज दुपारीच्या सुमारास लक्ष्मण गजानन इंगळे, (वय 22 वर्ष) आदेश किशोर इंगळे(वय 21 वर्ष) ऋतिक भारत सोनूने (वय वर्षे 23,) अनिकेत गणेश सुरडकर (वय वर्ष 24) हे तरुण प्रतिकन्या कुमारी परिसरात फिरण्यासाठी गेले होते.
यावेळी तरुणांनी त्याठिकाणी तलावातील नौका विहार करण्याचा निर्णय घेऊन नौकेत् फेरफटका मारायला सुरवात केली. शेवटी नौका किनाऱ्यावर यायला लागली तेव्हा नौकेतील दोघांनी तलावात उडी मारून स्टँटबाजी करण्याचा प्रयत्न केला. (Latest Marathi News)
हीच स्टंटबाजी त्यांच्या जीवावर आली आणि हे तरुण बुडायला लागले. त्यामधील एकाला नौका चालकाने वाचविले. मात्र दुसरा रोशन इंगळे हा पाण्यात बुडाला. या घटनेची माहिती मिळताच साखरखेर्डा पोलीससुद्धा घटनास्थली पोहोचले. ज्यानंतर रोशन इंगळेचा शोध मोहिम सुरू केली. मात्र अद्याप रोशन इंगळे याचा मृतदेह सापडला नाही. या घटनेने परिसरात एकच खळबळ उडाली आहे. (Buldhana News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.