बुलढाणा : बुलढाणा जिल्ह्याच्या खामगाव शहरातील लक्कडगंज परिसरात (Khamgaon) असलेल्या एका गोडाऊनमधून काहीजण सोयाबीन चोरी करत होते. याबाबत मिळालेल्या माहितीवरून पोलिसांनी (Police) चोरट्यांना ताब्यात घेतले आहे. (Tajya Batmya)

खामगाव शहरातील लक्कडगंज परिसरात असलेल्या गोडाऊनमध्ये सोयाबीन ठेवले होते. या सोयाबीनची चोरी करत असल्याची गोपनीय माहिती पोलिसांना मिळाली होती. त्यावरून पोलिसांनी तात्काळ घटनास्थळी धाव घेत तीन तरुण गोडाऊनमधील सोयाबीन पोते दुचाकीवर घेऊन काही अंतरावर नेऊन ठेवत असल्याचे पोलिसांच्या निदर्शनास आले. 

१७ पोटे जप्त 

पोलिसांनी अटाळी येथील गणेश भगवान दुतोंडे व श्याम रामदास दुतोंडे याला पोलिसांनी ताब्यात घेऊन त्यांनी चोरी केलेले सोयाबीनचे १७ पोते जप्त केले आहेत. तर यापैकी एक आरोपी घटनास्थळावरून फरार होण्यास यशस्वी झाला आहे. ज्याचा पोलीस शोध घेत आहेत. गोडाऊन मालक गोपाल राधेश्याम टावरी यांनी दिलेल्या तक्रारीवरून तिन्ही आरोपी विरुद्ध गुन्हा दाखल करण्यात आला आहे.