बुलढाणा : बुलढाणा जिल्ह्यातील खामगाव शहरात मध्यरात्रीच्या दरम्यान ढगफुटी सदृश्य पाऊस झाला आहे. विजांच्या कडकडाटांसह खामगाव शहरात पाऊस धो धो स्वरूपात बरसल्याने रस्त्यावर पाणीच पाणी झाल्याचं पाहायला मिळाले. रात्रीच्या पावसामुळे घरात पाणी शिरल्याने नागरिकांची तारांबळ उडाली होती. 

राज्यात मान्सून (Rain) दाखल झाला असून काही ठिकाणी अजूनही प्रतीक्षा आहे. बुलढाणा जिल्ह्यातील काही भागात दोन दिवसांपूर्वी पाऊस झाला होता. दरम्यान मध्यरात्रीच्या सुमारास खामगाव शहर परिसरात मुसळधार पाऊस झाला. धो धो बरसणाऱ्या या पावसामुळे अनेकांच्या घरात, दुकानात पाणी शिरलं. (Heavy Rain) त्यामुळे दुकानातील साहित्यांचे मोठं नुकसान झालं आहे. बाहेर पाऊस सुरु अन घरात पाणी शिरल्याने नागरिकांची चांगलीच तारांबळ उडाली होती. 

पहिल्याच पावसात दाणादाण 

तसेच खामगाव (Khamgaon) शहरातून वाहणारी बोर्डी नदीला देखील पूर आला होता. तसेच फरशी भागात पाणीच पाणी दिसून आले. अचानक आलेल्या या ढगफुटी सदृश्य पावसाने खामगाव शहरात प्रचंड नुकसान केल आहे. खामगाव शहराच्या फरशी भागातील ही दृश्य बरंच काही सांगून जात आहे.