Dhule Accident : भरधाव कार दुभाजकावर धडकली; चार जण गंभीर जखमी

धुळे : भरधाव वेगाने निघालेली कार रस्त्याच्या मधोमध असलेल्या दुभाजकावर धडकली. यामुळे झालेल्या अपघातात कारमधील चार जण गंभीर जखमी झाले आहेत. हा अपघात धुळे शहरातील बारा पत्थर परिसरात रात्रीच्या सुमारास घडला.  

धुळे (Dhule) शहरातील बारा पत्थर परिसरातून भरधाव कार चाळीसगावच्या दिशेने निघाली होती. हि कार बारा पत्थर परिसरात असलेल्या दुभाजकाला जोरात धडकल्याने कारमधील तीन ते चार प्रवासी गंभीर जखमी झाले आहे, रात्रीच्या वेळी हा दुभाजक दिसला नसल्याने हा अपघात झाल्याचे सांगण्यात येत आहे. रात्री साडेअकरा ते बारा वाजेच्या दरम्यान हा (Accident) अपघात झाला.  

अपघातात झालेल्या जखमींमध्ये लहान मुलांचा देखील समावेश असून जखमींना तातडीने परिसरातील नागरिकांच्या मदतीने रुग्णालयात उपचारासाठी पाठविण्यात आले आहे. बारा पत्थर परिसरातील हा दुभाजकावर रेडियम लावण्यात आले नसल्याने रस्तावरील दुभाजक लवकर लक्षात येत नसल्याने जीवघेणा ठरत आहे.