संजय जाधव 

बुलढाणा : शेगाव येथून अकोट मार्गावरून अकोटकडे (Akot) जाणाऱ्या एका दुचाकीस्वारावर रानटी डुकरांनी अचानक हल्ला केला. या हल्ल्यात दुचाकीस्वार गंभीर जखमी झाला असून त्यास तात्काळ (Shegaon) रुग्णालयात दाखल करण्यात आले आहे. (Tajya Batmya)

शेगावपासून अवघ्या चार किलोमीटर अंतरावर हि घटना घडली आहे. शेगाव परिसरात रानटी डुकरांनी हैदोस घातला असून गेल्याच महिन्यात एका वृद्ध महिलेवर हल्ला करून त्यात ती महिला जागीच गतप्राण झाली होती. ही घटना ताजी (Accident) असतानाच आज धावत्या दुचाकीस्वारावर रानटी डुकराने हल्ला केल्यामुळे या परिसरात नागरिकांमध्ये खळबळ उडाली आहे. 

वन विभागाचे दुर्लक्ष 

रानटी डुकराने हल्ला केल्याची घटना शेगाव अकोट मार्गावर घडली आहे. यात हा दुचाकीस्वार गंभीर जखमी असून त्याच्यावर शेगाव येथील शासकीय रुग्णालयात उपचार सुरू आहेत. रानटी डुकरांच्या बंदोबस्ताबाबत अनेकदा वनविभागाला माहिती देण्यात आली आहे. पण वन विभागाकडून कुठलीही कारवाई करण्यात येत नसल्याने नागरिक संतप्त होत आहेत.