जालना : तलाठी पेपर घोटाळा प्रकरणी विभागीय आयुक्तांनी पोलीस कमिशनर यांना या प्रकरणी चौकशीचे आदेश दिले असल्याची माहिती समोर आली आहे. औरंगाबाद पोलीस कमिशनर यांनी सिटी चौक पोलिस ठाण्यास या प्रकरणी चौकशी करून गुन्हा दाखल करण्याचे आदेश दिले आहे. मात्र हे प्रकरण जालन्यातील असल्याने सिटी चौक पोलिसांनी हे प्रकरण जालना पोलीस अधीक्षक यांच्याकडे वर्ग केले असल्याची खात्री लायक माहिती समोर आली आहे. आत्ता या प्रकरणी जालना पोलीस काय कारवाई करते हे पाहणं महत्वाचं ठरणार आहे. याच प्रकरणी जालना जिल्हाधिकारी यांनी ही या प्रकरणात पोलीस अधीक्षक जालना यांना कारवाई करण्यासंदर्भात आदेश दिल्याची माहिती ही सामोर आली आहे.