नागपूर - पनीरची भाजी खाल्ल्यानंतर प्रियकराचा मृत्यु, तर प्रेयसीची प्रकृती गंभीर असल्याची धक्कादायक घटना नागपुरात घडली आहे. नागपूरच्या (Nagpur) अजनी परिसरात ही घटना घडली आहे. रात्री या दोघांनी अजनी परिसरात एका हॉटेलमधून पनीरची भाजी घेतली. जेवण झाल्यानंतर दोघेही आपापल्या घरी गेले.

हे देखील पहा -

मात्र, जेवण झाल्यावर रात्री दोघांनाही उलट्या सुरू झाल्या, त्यामुळं दोघांनाही शासकीय रुग्णालयात दाखल करण्यात आलं. उपचारादरम्या तरुणाचा मृत्यू झाला. तर तरुणी गंभीर असून तिच्यावर उपचार सुरू आहेत. रितीक खोब्रागडे असं मृत्यु झालेल्या 22 वर्षीय तरुणाचं नाव आहे. हा फूड पॉयझनिंग चा प्रकार आहे की आणखी काही याबाबत पोलीस तपास करत आहेत

ज्या हॉटेलमधून या दोघांनी खाद्यपदार्थ घेतले, त्या हॉटेलमधून अनेक ग्राहकांनी त्याचवेळी तीच भाजी अनेक लोकांनी खाल्ली. मात्र, रितिक आणि त्याची मैत्रिण वगळता अन्य कुणालाही काही त्रास झाला नाही. त्यामुळे हा फूड पाॅयझनचा प्रकार आहे की आणखी काही, याबाबत पोलीस तपास करत आहेत.

Edited By - Shivani Tichkule