आगामी स्थानिक स्वराज्य संस्थांच्या निवडणुकांच्या पार्श्वभूमीवर रत्नागिरीत राजकीय घडामोडींना वेग आला आहे. अशातच रत्नागिरीतील राजकीय वर्तुळातून एक मोठी बातमी समोर येत आहे. भाजप पक्षातील जिल्हाध्यक्ष राजेश सावंत यांनी जिल्हाध्यक्ष पदाचा राजीनामा दिला आहे. राजेश सावंत यांच्याकडे रत्नागिरीची जबाबदारी होती.

रत्नागिरी चिपळूनमध्ये आज भाजप पक्षाचा कार्यक्रम पार पडला. या कार्यक्रमात जिल्हाध्यक्ष राजेश सावंत यांनी आपल्या जिल्हाध्यक्ष पदाचा राजीनामा दिला आहे. मिळालेल्या माहितीनुसार, प्रदेशाध्यक्ष रवींद्र चव्हाण यांच्याकडे राजेश सावंत यांनी राजीनामा सोपवला. राजेश सावंत यांच्याकडे दक्षिण रत्नागिरीची जबाबदारी होती.

राजेश सावंत यांनी राजीनामा का दिला? हे अद्याप समोर आलेले नाही. याचं कारण अजूनही गुलदस्त्यात आहे. मात्र, ऐन निवडणुकीच्या काळात राजेश सावंत यांनी राजीनामा दिल्यामुळे रत्नागिरीच्या राजकीय वर्तुळात खळबळ उडाली आहे. दरम्यान, आता सावंत नेमकं कोणत्या पक्षात जाणार? ते कुणाच्या संपर्कात आहेत? हे अद्याप समोर आलेले नाही.

रविंद्र चव्हाण यांची रत्नागिरी शहरात होणारी कार्यकर्ता बैठक रद्द झाली आहे. चव्हाण आता सिंधुदुर्गकडे रवाना होणार आहे.