राडा, हाणामाऱ्या आणि आरोप-प्रत्यारोप आणि पैशांचा पाऊस...राज्यातील महापालिका निवडणुका यामुळे गाजल्या..पैशांच वाटप तर सर्रासपणे झालं..संभाजीनगरमधील भाजप आमदार नारायण कुचे यांची एक ऑडिओ क्लिप समोर आलीय.. कुचे यांची बहिण गंगाबाई भवरे या प्रभाग क्र . 24 मधून निवडणुकीच्या रिंगणात होत्या... त्याचवेळी कुचे यांचा आपल्या कार्यकर्त्यांशी पैसे वाटपासंदर्भात झालेला हा संवाद ऐका.

दरम्यान ही ऑडिओ क्लिप खोटी असल्याचं आमदार नारायण कुचेंनी म्हटलं आहे तर ऑडिओ क्लिपमध्ये कुचेंशी बोलणाऱ्या अजय म्हस्के या वंचितच्या कार्यकर्त्यानं ही ऑडिओ क्लिप खरी असल्याचा दावा केलाय. विशेष म्हणजे, ज्या प्रभागात कुचेंवर पैसे वाटल्याचा आरोप केला जातोय त्या प्रभागात वंचितचे चारही उमेदवार पराभूत झाले आहेत. यावरून वंचितनं आमदार कुचेंविरोधात आंदोलन ही केलं होतं.

निवडणुकीत पैसे वाटप होणं, हे काही आता नवं राहिलेलं नाही... मात्र पैसेवाटपाचे आरोप होऊनही कुठलीच कठोर कारवाई राजकीय पक्षांच्या नेत्यांविरोधात किंवा कार्यकर्त्यांविरोधात केली जात नाही.लोकशाहीचा बाजार मांडणाऱ्या लोकप्रतिनिधींची निवडणुक आयोग चौकशी कऱणार का? याकडे अनेकाचं लक्ष लागलंय..

डिस्क्लेमर: कथित ऑडिओ क्लिप सोशल मीडियावर व्हायरल होत आहे. याची सत्यता पडताळली नाही.