नागपूर - आगामी नागपूर महापालिकेच्या निवडणुकीचे वेध सत्ताधारी भाजप नगरसेवकांना लागले आहे. भाजप नगरसेवकांनी आतापासूनच घरोघरी जाऊन मतदारांशी संपर्क सुरू केला आहे. यासाठी गेल्या पाच वर्षात केलेल्या विकास कामांची पुस्तिका भाजप नगरसेवकांनी तयार सुरु केली आहे. ही पुस्तिका घेऊन नगरसेवक मतदारांपर्यंत पोहचत आहेत.

हे देखील पहा -

या माध्यमातून अप्रत्यक्ष प्रचारच नगरसेवकांनी सुरू केला आहे. गेल्या 15 वर्षांपासून नागपूर महापालिकेत भाजपची सत्ता आहे. मात्र, अँटी इनबन्सी आणि काही नगरसेवकांच्या निष्क्रियतेमुळं मतदार नाराज असल्याची चर्चा आहे. त्यामुळं भाजप कुठलीही जोखीम पत्करायला तयार नाही. आचारसंहितेपुर्वी मतदारांशी संपर्क वाढवा अशा सूचना नगरसेवकांना देण्यात आल्या आहेत. त्यामुळं नगरसेवक पाच वर्षांचा लेखाजोखा घेऊन मतदारांना मतांचा जोगवा मागत आहेत.

Edited By - Shivani Tichkule