राज्यातील विधानपरिषदेच्या १६ जागांवर निवडणुका होणार आहेत. या निवडणुकीसाठी भाजपने ११ उमेदवारांच्या नावाची यादी जाहीर केली. ११ जणांच्या यादीत प्राजक्त तनपुरे यांच्या नावाचाही समावेश आहे. भाजपने पत्रक काढत उमेदवारांची नावांची जाहीर केली.

राज्यात विधानपरिषदेच्या एकूण १७ जागा रिक्त झाल्या आहेत. त्यातील एका जागेवर पोटनिवडणूक होणार आहे. या निवडणुकीसाठी भाजपमधील अनेक इच्छुकांनी जोरदार कंबर कसली होती. इच्छुकांनी उमेदवारीसाठी भाजपच्या वरिष्ठांच्या भेटी घेतली होती. यामुळे विधानपरिषदेच्या निवडणुकीत उमेदवारीसाठी चुरस वाढली होती.

भाजपकडून विधानपरिषदेच्या उमेदवारांच्या नावाची घोषणा थेट दिल्लीतून झाली. उमेदवारांच्या नावाची यादी निश्चित करण्यासाठी अनेक बैठका झाल्या. खरंतर राज्यात झालेल्या बैठकीत ४८ जणांची नावे निश्चित करण्यात आली होती. त्यानंतर नावांची यादी भाजपच्या अध्यक्षांकडे सोपवण्यात आली. त्यानंतर भाजपच्या वरिष्ठ नेत्यांची बैठक झाली. या बैठकीनंतर विधानपरिषदेच्या उमेदवारांच्या नावांची यादी जाहीर करण्यात आली.

उमेदवारांची नावे

सोलापूर – राजेंद्र राऊत

अहिल्यानगर – प्राजक्त तनपुरे

छत्रपती संभाजीनगर-जालना – सुहास शिरसाट

नांदेड – अमर राजूरकर

धाराशिव-लातूर-बीड – बसवराज पाटील

भंडारा-गोंदिया – अविनाश ब्राह्मणकर

अमरावती – प्रविण पोटे पाटील

सांगली-सातारा – धैर्यशील कदम

जळगाव – श्री.नंदकिशोर महाजन

नागपूर – डॉ.राजीव पोतदार

वर्धा-चंद्रपूर-गडचिरोली – अरुण लखानी

ठाणे विधानपरिषदेकरिता शिवसेनेकडून रवींद्र फाटक यांना पुन्हा संधी

गेल्या काही दिवसांपूर्वीच हितेंद्र ठाकूर रवींद्र फाटक यापैकी कुणाला ठाणे विधानपरिषदेची संधी मिळणार याकडे लक्ष लागले होते. त्यानंतर आज ठाण्यातील टेंभी नाका येथील आनंद आश्रममध्ये रवींद्र फाटक यांना अर्ज देण्यात आला आहे. ते उद्या दुपारी बारा वाजता उमेदवारी अर्ज भरणार आहेत. मागील अनेक दिवसांपासून उमेदवारी कोणाला मिळणार याबाबत रस्सीखेच सुरू असतानाच सेनेचे रविंद्र फाटक हे उमेदवार ठरले आहेत. ते उद्या जिल्हाधिकारी कार्यालयात जाऊन अर्ज दाखल करणार आहेत.