शुभम देशमुख 

भंडारा : केंद्र शासनाने लागू केलेल्या हिट अँड रन या कायद्याचा देशभरात विरोध करण्यात येत आहे. मागील (Bhandara) आठवड्यात ट्रॅक चालकांनी संप पुकारत आंदोलन छेडले होते. मात्र कायदा लागू होणार नसल्याचे सांगण्यात आल्यानंतर ट्रॅक चालकांनी आंदोलन मागे घेतले होते. परंतु भंडाऱ्यात पुन्हा ट्रॅक चालक आक्रमक झाले आहेत.  (Breaking Marathi News)

ट्रॅक चालकांनी मागील आठवड्यात आंदोलन केल्यानंतर हिट अँड रन हा कायदा तूर्तास लागू होणार नाही अशी घोषणा केंद्र शासनाच्या वतीने केली होती. तेव्हा चालकांनी संप मागे घेतला होता, मात्र आता पुन्हा केंद्र शासनाच्या वतीने समाधानकारक उत्तर न मिळाल्याने भंडारा जिल्ह्यातील पवनी येथे चालक मालक संघटनेच्या वतीने आजपासून पुन्हा 'स्टेअरिंग छोडो' आंदोलन करत उपोषण सुरू करण्यात आला आहे. यामुळे आंदोलन पुन्हा पेटण्याची शक्यता वर्तविली जात आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

संभाजीनगरात रिक्षा चालक आक्रमक 

नवीन हिट अँड रन कायद्याच्या विरोधात छत्रपती संभाजीनगरमध्ये (Sambhajinagar) रिक्षा चालक चांगलेच आक्रमक झाले. छत्रपती संभाजीनगर पैठण महामार्गावरील बिडकीन येथे रिक्षा चालकांनी रास्ता रोको करत सरकारचा निषेध केला. रास्ता रोको केल्यामुळे रस्त्यावर मोठ्या प्रमाणात वाहनांच्या लांबच लांब रांगा लागल्याचे चित्र पाहायला मिळालं. संसदेने पारित केलेल्या नवीन हिट अँड रन कायद्यातील तरतुदीच्या निषेधार्थ आणि इतर मागण्यांसाठी रिक्षा चालकांनी छत्रपती संभाजी नगर मध्ये रिक्षा बंद आंदोलन पुकारल आहे.