भंडारा : भंडाऱ्यात ग्रामपंचायत निवडणुकीत अपक्षांचा बोलबाला राहिला आहे. या निवडणुकीत काँग्रेस (Congress) आणि शिंदे गटाची समाधानकारक कामगिरी राहिली असून भाजप आणि राष्ट्रवादी (NCP) प्रत्येकी एकवर समाधानी रहावे लागले आहे. (Letest Marathi News)

भंडारा (Bhandara) जिल्ह्यात झालेल्या ग्रामपंचायतीच्या (Gram Panchayat) निवडणुकीत 19 ग्रामपंचायतीचा निकाल हाती आला आहे. यात महिलाराज पहायला मिळाला आहे. तर तब्बल 13 ग्रामपंचायतीत महिला सरपंच म्हणून निवडणूक आले आहेत. विशेष म्हणजे पक्षांचा विचार करता अपक्षांचा बोलवाला पहायला मिळाला असून तब्बल 9 ग्रामपंचायती अपक्षाच्‍या ताब्यात गेली आहे.

भाजप, राष्‍ट्रवादी एका ग्रामपंचायतीवर

काँग्रेस आणि शिंदे गटाची कामगिरी देखील समाधानकारक असून कॉंग्रेसने 5 ग्रामपंचायती तर शिंदे गटाने 3 ग्रामपंचायतींवर आपला झेंडा फडकवला आहे. तर दूसरीकडे (BJP) भाजप आणि राष्ट्रवादी प्रत्येकी एका ग्रामपंचायतीवर समाधानी राहिले आहे. दरम्यान ठाकरे गटाला भोपळा मिळालेला आहे.

पटोलेंच्‍या मतदार संघात कमळ

एक उल्लेखनीय बाब अशी की राज्याचे उपमुख्यमंत्री देवेंद्र फडणवीस स्वतः भंडारा जिल्हाचे पालकमंत्री असतांना सुद्धा भाजप विशेष कामगिरी करु शकला नाही. तर कॉंग्रेस प्रदेशाध्यक्ष नाना पटोले यांच्या यांच्या मतदार संघात कमळ फुलले आहे. एकंदरित अपक्षाची ही निवडणूक ठरली असून आता अपक्ष कोणत्या पक्षाला पाठिंबा देतात हे पहाने विशेष महत्वाचे ठरेल.