बीड : बीड शहरापासून जवळच असलेल्या पाली येथील बिंदुसरा धरणात एका ३८ वर्षीय तरुणाने उडी घेऊन आत्महत्या केली. संतोष बाळू भुजंग (Beed News) असे आत्‍महत्‍या केलेल्‍या तरुणाचे नाव आहे. (Breaking Marathi News)

नेकनूर (ता. बीड) येथील तरुण संतोष भुजंग हा 4 जानेवारीपासून बेपत्ता होता. मात्र बिंदुसरा धरणात त्याने उडी मारून आत्महत्या केल्याचे उघडकीस आल्याने खळबळ उडाली आहे. तर घटनेची माहिती कळताच बीड ग्रामीण (Police) पोलीस ठाण्याचे हवालदार पी. टी. चव्हाण, आनंद मस्के यांनी घटनास्थळी पोहचले.

आत्‍महत्‍येचे कारण अस्‍पष्‍ट

पोलिसांनी काही नागरीकांच्‍या मदतीने मृतदेह पाण्याबाहेर काढून उत्तरीय तपासणीसाठी जिल्हा रुग्णालयात पाठवला आहे. दरम्यान या तरुणाने आत्महत्या कोणत्या कारणामुळे केली याचा तपास बीड ग्रामीण पोलीस करत आहेत.