Beed Crime News: बीड जिल्ह्यात लाचखोरीचे प्रमाण दिवसेंदिवस वाढतच चालले आहे. या लाचखोरीत विशेषत:पोलिस दल आघाडीवर असल्याचं दिसून येत आहे. काल-परवाच वडवणी येथील एका पोलिस कर्मचाऱ्यास लाच स्विकारताना लाचलुचपत प्रतिबंधक पथकाने अटक केली होती. आता गुरूवारी शिरूर (Beed News) पोलीस ठाण्यात कार्यरत असलेल्या एका पोलीस कर्मचाऱ्याला लाच घेताना रंगेहाथ पकडले आहेत.

अदखलपात्र गुन्हात मदत करण्यासाठी 5 हजार स्वीकारताना शिरूर पोलीस (Police) ठाण्यातील कर्मचाऱ्यास रंगेहाथ पकडले आहे. शिवाजी श्रीराम सानप (वय 41) असं लाचखोर कर्मचाऱ्याचं नाव आहे. शिवाजी सानप यांनी तक्रारदाराकडून अदखपाञ गुन्ह्यात मदत करण्यासाठी 10 हजाराची मागणी केली होती.

तडजोडी अंती 5 हजारात तडजोड झाली. दरम्यान तक्रारदाराची मुळीच लाच देण्याची इच्छा नसल्याने त्याने ही माहिती लाचलुचपत पथकाला दिली. माहिती मिळताच पथकाने सापळा रचून सानप यांना रंगेहाथ लाच घेताना पकडले. सानप यांच्यावर लाचखोरीचा गुन्हा दाखल करण्यात आला आहे. या घटनेने परिसरात मोठी खळबळ उडाली आहे.

Edited by - Satish Daud