बीड : बीडमध्ये शिवसेना उध्दव ठाकरे गटाला मोठं खिंडार पडलं आहे. शिवसेना उबाठा गटाच्या उपनेत्या सुषमा अंधारे यांच्यावर गंभीर आरोप करत दोन युवासेना जिल्हा प्रमुख व महिला आघाडीच्या जिल्हाध्यक्ष यांनी आपल्या पदाचा राजीनामा देत पक्षाला रामराम ठोकला आहे. यानंतर ते शिंदे गटात प्रवेश करणार आहेत. 

बीड (Beed) जिल्ह्यातील ठाकरे गटाचे युवासेना जिल्हा प्रमुख रविराज बडे व गजानन कदम आणि महिला आघाडीच्या जिल्हाध्यक्षा संगीता चव्हाण यांनी शिवसेना (Shiv Sena) उबाठा गटाला रामराम ठोकत हजारो शिवसैनिकांसह मुख्यमंत्री एकनाथ शिंदेंच्या उपस्थितीत शिवसेना शिंदे गटात जाहीर प्रवेश करणार आहेत. जवळपास ४०० गाड्यांचा ताफा घेऊन आज हे पदाधिकारी मुंबईच्या दिशेने रवाना होणार असून आज हा प्रवेश सोहळा मुंबईत पार पडणार आहे.सुषमा अंधारेंवर केले आरोप 

दरम्यान ज्या स्वतःला नेत्या समजतात. त्या शिवसेनेच्या उपनेत्या. ज्यांनी रश्मीताईंना साडी घेण्यासाठी जिल्हा प्रमुखांकडून पैसे घेतले. याचा पुरावा माझ्याकडे आहे; अशा सुषमा अंधारेंच्या (Sushma Andhare) कामाला कंटाळून आम्ही अंधारे सेनेला रामराम ठोकत आहेत; असा गंभीर आरोप या शिवसेना पदाधिकाऱ्यांनी प्रतिक्रिया दिल्या आहेत. ठाकरे गटाची जिल्ह्यात प्रमुख जबाबदारी सांभाळणाऱ्या तीन जणांनी पक्ष सोडल्याने पक्षाला मोठे खिंडार पडले आहे.