बीड : दहावीच्या परिक्षेत नापास असतानाही गुणपत्रिकेत खाडाखोड करुन पास असल्याचे दाखविले. इतकेच नाही तर बीड कृषी उत्पन्न बाजार समितीच्या (Bajar Samiti) भरती प्रक्रियेत सहभागी होत वाहन चालकाची नोकरी मिळवल्याचा प्रकार ४ वर्षानंतर समोर आला. या प्रकरणी बीड ग्रामीण पोलीस (Police) ठाण्यात गुन्हा दाखल करण्यात आला आहे. (Letest Marathi News)

बीड (Beed) कृषी उत्पन्न बाजार समितीत सन २०१८ मध्ये विविध पदांसाठी भरती प्रक्रिया राबवली गेली होती. यामध्ये शेख रिजवान शेख गफ्फार याने वाहन चालक पदासाठी अर्ज केला होता. किमान दहावी उत्तीर्ण अशी शैक्षणिक पात्रतेची अट होती. मात्र रिजवान हा दहावी नापास होता. त्याने भरती प्रक्रियेत सहभागी होण्यासाठी दहावीच्या गुणपत्रिकेवर खाडाखोड करुन दहावी पास असल्याचे दाखवून (Fraud) वाहनचालक पदासाठी अर्ज केला.

तक्रारीनंतर झाला उलगडा

वाहन चालक म्हणून त्याची निवडही झाली. मात्र, त्यानंतर काही दिवसांची याबाबत तक्रार केली गेली. यानंतर चौकशी करण्यात आली. यात, रिजवान याचे गुणपत्रक चूकीचे असल्याचे व तो नापास असतानाही त्याने पास म्हणून दाखवत फसवणूक केल्याचे समोर आले आहे. दरम्यान याप्रकरणी फसवणुकीचा गुन्हा दाखल करण्यात आला आहे.