Beed News:

मराठा आंदोलक  मनोज जरांगे पाटील यांची 20 मार्च रोजी बीडच्या परळी वैजनाथ येथे महासंवाद बैठकीचे आयोजन करण्यात आले आहे. मात्र या बैठकीला पोलीस प्रशासनाने परवानगी नाकारली असून आयोजकांना नोटीस बजावण्यात आली होती. त्यानंतर आता प्रशासनाकडून जरांगेंच्या बैठकीचे बॅनर्सही हटवण्यात आले आहेत.

याबाबत अधिक माहिती अशी की, मनोज जरांगे पाटलांच्या बॅनर विरोधात आता परळी नगर पालिकेने धडक कारवाई सुरू केली आहे. जरांगे पाटील यांच्या परळी येथे होणाऱ्या महासंवाद बैठकीच्या आयोजकांना, याअगोदरचं पोलीस प्रशासनाने नोटीसा बजावल्या आहेत. त्यांनतर आता परळी न.प.प्रशासनाने या कार्यक्रमाचे शहरात लावलेले बॅनर हटवण्याचे काम सुरू केले आहे.

20 मार्च रोजी मनोज जरांगे पाटील यांच्या या महासंवाद बैठकीचे आयोजन केले होते. मात्र या बैठकीला प्रशासनाने परवानगी नाकारल्याने बैठकीच्या 28 आयोजकांना परळी शहर पोलीसांनी कलम 149 सीआरपीसीप्रमाणे नोटीसा बजावल्या आहेत. तसेच आता या महासंवाद बैठकीच्या आयोजनाचे शहरभर लावलेले बॅनर प्रशासनाने काढून टाकायला सुरुवात केली आहे.

. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान,  मध्यंतरी मनोज जरांगे पाटील यांनी राज्यभर दौरा करत त्यांनी आरक्षणाच्या अनुषंगाने सभा घेतल्या. या दरम्यान त्यांनी काही दिवसांपूर्वी बीड जिल्ह्यात दौरा केला होता. या दौऱ्यामध्ये जरांगे पाटील यांच्यावर आतापर्यंत ९ गुन्हे दाखल करण्यात आले आहेत. तसेच शिरूर पोलिसांनी (Police) गुन्हा प्रकरणात मनोज जरांगे पाटील यांना नोटीस देखील बजावली होती. परंतु ती परत आली आहे. (Latest Marathi News)