बीड : फक्त बीडमध्येच नाही तर राज्यात वेगवेगळ्या पक्षात बंडखोरी झाली आहे. बंडखोरी हा राजकारणाचा एक भाग आहे. ती बंडखोरी शमवण्यासाठी आम्ही प्रयत्न करत आहोत. आष्टीमध्ये महायुतीच्या घटक पक्षाचे दोन उमेदवार उभे आहेत. पक्षाच्या नेत्यांनी असा कसा निर्णय घेतला?; असे म्हणत आष्टीमध्ये मात्र मी कमळाचाच प्रचार करणार असल्याचे पंकजा मुंडे यांनी स्पष्ट केले आहे.

विधानसभा निवडणुकीच्या प्रचार तोफा धडाडू लागल्या आहेत. अनेक मतदारसंघात मित्र पक्षातील उमेदवाराने केल्याने बंडखोरीचे आव्हान पक्षांसमोर आहे. त्यानुसार (Beed) बीडच्या आष्टी मतदारसंघात देखील महायुतीच्या मित्र पक्षातीलच दोन उमेदवार असून येथे बंडखोरी झाली आहे. याला याबाबत भाजप नेत्या पंकजा मुंडे (Pankaja Munde) बोलत होत्या. 

विधानसभा निवडणूक एकहाती पार करायची
बीड जिल्ह्यात काही अपक्ष उमेदवार पंकजा मुंडे यांचा फोटो आपल्या बॅनरवर वापरत आहेत. याबाबत विचारले असता कोणालाही उभं केलं नाही. परंतु काही कार्यकर्ते माझा फोटो वापरतात, ती त्यांची भावना आहे. तसेच लोकसभेत माझा एक हात मोडला. आता विधानसभा एक हाती पार करायची असल्याचे देखील पंकजा मुंडे यांनी म्हटले आहे.