बीड : पाण्याचे मोठे संकट आता बीड जिल्ह्यात उभे आहे. बीडच्या केज तालुक्यात असणाऱ्या धनेगाव येथील मांजरा धरणामध्ये अवघा १.३७ टक्के पाणीसाठा शिल्लक राहिला आहे. आता पुढील १० ते १२ दिवस पुरेल इतकाच हा जिवंत पाणीसाठा असून यामुळे आता बीड, धाराशिव आणि लातूर जिल्ह्यावर पाणी संकट ओढावल आहे. 

बीड (Beed) जिल्ह्यात यंदा पाऊस झाला नसल्याने दुष्काळ आहे. जिल्ह्यात पाण्यासह चाऱ्याचा प्रश्न गंभीर बनला आहे. यामुळे प्रशासनाने तात्काळ पाण्यासाठी उपाययोजना कराव्यात आणि चाऱ्याचीही सोय करावी, अशी मागणी नागरिकांसह शेतकऱ्यांमधून केली जात आहे. यात बीड जिल्ह्यातील (Manjra Dam) मांजरा धरणातील पाणीसाठा कमी होत केवळ १.३७ टक्के राहिल्याने आगामी काळात भीषण पाणी टंचाईचा सामना करावा लागणार आहे. 

मांजरा धरणाच्या परिसरातील बीड, (Dharashiv News) धाराशिव, लातूर जिल्ह्यातील अनेक गावं याच धरणाच्या पाण्यावर अवलंबून आहेत. त्याचबरोबर शेतीला आणि जनावरांना देखील याच धरणाच्या पाण्याचा आधार घ्यावा लागतो. मात्र आता धरणातच अवघा १.३७ टक्के पाणीसाठा शिल्लक राहिल्याने या तीन जिल्ह्यातील अनेक भागांवर पाणी संकट ओढावले आहे.