बीड : सोन्याचे आमिष दाखवून दोघांना तब्बल 16 लाख 50 हजार रुपयांना गंडवले आहे. ही धक्कादायक घटना बीडच्या (Beed) सिरसाळा गावात घडली. एकाला 14 लाखाला तर दुसऱ्याला 2 लाख 50 हजाराला फसवल्याची (Fraud) घटना घडली आहे. (Beed News Fake Gold Fraud)

सिरसाळा पोलीस (Police) सूत्रांकडून मिळालेल्या माहितीवरून, एक तक्रारदार पोलीस ठाण्याच्याच हद्दीतील सोन्‍याचा (Gold) व्यापारी आहे. तर दुसरा पुणे जिल्ह्यातील दौंड तालुक्यात असणाऱ्या बोरी येथील कपड्याचा दुकानदार आहे. या दिलेल्या दोन्ही तक्रारी लक्षात घेता यामध्ये मोठी टोळी सक्रीय असल्याचा संशय व्यक्त केला जात आहे. दरम्यान सिरसाळा पोलीस ठाण्यात तक्रार दाखल करण्यात आली असून अद्याप गुन्हा दाखल झालेला नाही.