विनोद जरे..

Beed News: आजारी असलेल्या मजुराला कामवर का येत नाही म्हणत मुकादमाने बेदम मारहाण केल्याची धक्कादायक घटना बीडच्या माजलगाव तालुक्यातील सोन्नाथडी येथे उघडकीस आली आहे. या मारहाणीत ऊस तोड कामगाराचा दुर्देवी मृत्यू झाला. श्रीराम आण्णासाहेब कसबे असं मयत ऊसतोड कामगाराचे नाव आहे. याबाबतची तक्रार मृत ऊसतोड कामगाराच्या पत्नीने धारुर पोलीस ठाण्यात दिली आहे. यावरून दोन जणांविरुद्ध खुनाचा गुन्हा दाखल केला आहे. (Latest Marathi News)

याबाबत मृत उसतोड कामगाराच्या तक्रारीनुसार, माजलगाव तालुक्यातील सोन्नथडी येथील ऊसतोड कामगार श्रीराम आण्णासाहेब कसबे हे आजारी असल्याने काम करू शकत नव्हते. मात्र 16 मार्च रोजी मुकादम अशोक कसबे व ट्रक मालक गंगाधर तिडके यांनी त्यांना दुसऱ्या ट्रकमध्ये भोगलवाडी येथे घेऊन गेले. यावेळी त्यांनी श्रीराम कबसेंना जबर मारहाण केली. या मारहाणीत श्रीराम कसबे हे गंभीर जखमी झाले. ज्यामध्ये त्यांचा दुर्देवी मृत्यू झाला.

याबाबतची तक्रार कामगाराच्या पत्नीने धारुर पोलीस ठाण्यात दिली आहे. यावरून दोन जणांविरुद्ध खुनाचा गुन्हा दाखल केला आहे. या घटनेने परिसरात खळबळ माजली असून संबंधितांवर कारवाई करण्याची मागणी होताना दिसत आहे. काही दिवसांपूर्वीच पंढरपूरमध्ये उसतोड कामगारांना पैशासाठी डांबून ठेवल्याचीा घटना समोर आली होती, ज्यानंतर आता या घटनेने ऊसतोड कामगारांवर होणाऱ्या अन्यायाचा मुद्दा चिंतेचा विषय ठरत आहे.. (Beed News)