बीड : बीडच्या माजलगावात राष्ट्रवादी युवक काँग्रेसच्यावतीने केंद्र सरकारच्या निषेधार्थ आंदोलन करण्यात आले. अग्निपथ योजना तात्काळ रद्द करा, या मागणीसाठी शहरातील छत्रपती शिवाजी महाराज (Beed) चौकात निदर्शने करण्यात आले आहेत. (beed news Cancel the agnipath yojana Nationalist Youth Congress Movement)

देशातील केंद्र शासनाने भारतीय लष्करासाठी असलेल्या अग्निपथ या नव्या योजनाची घोषणा केली आहे. या योजनेनुसार भारतीय सैन्यात तरुणाची भरती फक्त चार वर्षासाठी करण्यात येणार आहे. सदर योजना चुकीची असुन भारतीय सैन्याच्या पारंपारिक स्वरुपाशी छेडछाड करणारी आहे. असा आरोप करत (NCP) राष्ट्रवादी काँग्रेसच्यावतीने केंद्र सरकार विरोधात प्रचंड घोषणाबाजी करण्यात आली.